Hoy compartimos la experiencia de Mar, voluntaria en JuanSoñador Lugo desde septiembre de 2021:
«O meu nome é Mar e empecei a miña labor como voluntaria en JuanSoñador Lugo en setembro de 2021 facendo apoio escolar e ocio con nenas e nenos de Educación Primaria.
A miña interese polo voluntariado sempre estivo presente xa que son Diplomada en Traballo Social e mentres estudei a carreira tamén levei a cabo labores de voluntaria con poboación maior.
Despois a miña vida profesional virou ao traballo administrativo na Xunta de Galicia e deixei de lado esa vertente social. Pero en 2006 comecei a traballar nun colexio da cidade no que hai moita diversidade, tanto étnica como económica e iso espertou de novo esas ganas de axudar para poder mitigar un pouco a impotencia das situacións das que era testemuña día a día. Poder dar algunha oportunidade as nenas e nenos que estaban predestinados ao fracaso escolar e polo tanto a limitar as oportunidades que a vida lles podía brindar.
En 2021 despois de pasar por una situación persoal difícil e convivindo coa pandemia púxenme en contacto con varias ONG coa intención levar a cabo labores de voluntariado coa poboación infantil e xuvenil. En ese momento coñecín a Viki que me presentou a labor de JuanSoñador.
En setembro de 2021 comecei a ser voluntaria de apoio escolar con alumnado de primaria e dende o primeiro día roubaron o meu corazón. Coa axuda e paciencia infinita de Candela, a educadora do grupo, funme introducindo nel e desfrutando moitísimo do tempo que pasaba facendo voluntariado, Tanto que pasei de ir dous horas a semana a catro horas.
Para min compartir o tempo cos rapaces e rapazas foi a mellor medicina, transmítenche a súa ledicia, espontaneidade, aprendes das súas culturas e formas de vida e sentes o seu cariño. Sempre saes levando moito máis do que ti lles deixas.
O voluntariado para min é unha forma de vida. Nesta sociedade materialista baseada no consumismo, en ter máis e máis, non queremos dar, só recibir. Non miramos o noso redor para ser consciente do que esta sociedade esta producindo, de que os círculos da pobreza nunca se rompen senón intervimos.
O voluntariado e un intercambio, levas sempre consigo moito máis do que aportas. É unha sensación indescritible, cambia a forma de ver a vida, convértete en mellor persoa.
A sociedade necesita ser máis solidaria, mirar para o que temos ao lado e con pequenos pasos podemos facer un mundo mellor.
O VOLUNTARIADO ENGANCHA/ANÍMATE E PROBA»
#YoCuento #Mira #Emociónate #Cuida #Transforma
#Acompañandosoños #Transformandorealidades
¡Muchas gracias Mar por compartir tu tiempo, dedicación y experiencias! Esperamos seguir compartiendo camino contigo.
*”Programa de Sensibilización do Voluntariado -Acompañando soños, transformando realidades” (en colaboración con Consellería de Política Social, Xunta de Galicia).
