En Lugo temos a gran sorte de ter ao noso carón xente moi comprometida que dedica unha parte do seu tempo a compartir con nós e coas participantes o seu saber e sobre todo o seu bo facer. Falamos do voluntariado, esas persoas que tanto nos aportan e complementan na nosa intervención.
En Lugo, no que vai de ano contamos con un total de trinta persoas voluntarias que viñan unha media de 2 – 3 horas á semana a participar das actividades realizadas nos diferentes programas da JuanSoñador: Infancia, mocidade e familia, formación laboral e inclusión social de persoas migrantes.
Para cerrar o curso organizamos un pequeno almorzo, que nos permitiu poñer fin ás actividades realizadas ata o mes xuño (formación para inclusión, apoio educativo, actividades de ocio) e ter un momento de atoparse, compartir, contar…e tamén de tomar café!
Fixemos un repaso das actividades e persoas atendidas no 2021 así coma un recordatorio dos anos de incorporación das persoas voluntarias. Algunhas levan tanto tempo que xa non se lembraban cando viñeran por primeira vez! Tamén quixemos facer unha pequena avaliación das súa participación e que nos deixaran algunha suxestión pero seguir mellorando. Algunhas das aportacións que nos deixaron por escrito foron: “facer voluntariado reporta 2 vantaxes: axudas a algunhas persoas e mantés máis vivo ese espírito de traballo, de convivencia, de sociabilidade, de coñecemento de xente”. “ Para min significa o seguir manténdome viva na miña elección de vida, na ensinanza para seguir axudando aso nenos/nenas”. “O que máis me gusta é ser capaz de continuar facendo o que me gusta, só a parte agradable”. “O que máis me gusta é o feito de facelo libremente sen burocracia, só pensando nas necesidades que teñen nese momento e de non estar pendentes dos resultados. Daste conta de que é o mellor e vense resultados”. “Me ha gustado como le han dado el manejo a los programas, más que sugerencia sería continuar con esos procesos y organización para seguir al servicio de la comunidad”.
Dende aquí queremos dar as grazas a todas as persoas voluntarias que tanto, e tan ben , aportan ao noso día a día, e sobre todo ó das persoas participantes nos distintos programas.
Desexámosvos un moi bo verán! Vémonos á volta das vacacións para seguir #acompañandosoños e #transformandorealidades.
*”Programa de Sensibilización do Voluntariado -Acompañando soños, transformando realidades”
(en colaboración con Consellería de Política Social e Xuventude, Xunta de Galicia).
