“Eu, voluntaria”

by Fundación JuanSoñador | 23 Setembro, 2021 8:23 a.m.

“Son Mª Mercedes García Filloy, mestra e psicopedagoga, xubilada dende fai uns anos por cuestións de saúde.                 

A ti, que te achegabas a JuanSoñador

Andaba eu a voltas no meu maxín. Morriña de tempos idos e preocupación polos vindeiros.

E vinte.

Os teus ollos pousáronse nos meus e amosáronme un mundo novo.

Ti estabas, ti existías, máis aló das miñas miserables inquedanzas.

Os teus ollos pousáronse nos meus e xa non fun quen de apartar a miña vida da túa. Foi a túa mirada quen fixo milagres en min.

E xa non houbo máis tristuras, abracei un amencer: estar, vivir, aprender.

Os teus ollos pousáronse nos meus e souben que o camiño en solitario non vale a pena, que se recorre con alguén ao lado, á par, rabuñando a igualdade, deixando os folgos en busca de oportunidades.

A túa mirada ensinoume que os camiños son diversos, pero hai un corazón que nos une no sentimento, nas necesidades, na bondade.

Agradecemento infinito ás persoas que se achegan a JuanSoñador, por permitir que, coa súa mirada, poidamos poñer luz á nosa cada día. Agradecemento por ser valentes, por deixarnos coñecer as súas inquedanzas e ilusións, por non esmorecer, por intentar medrar e aprender aportando as súas experiencias, a súa vida.

Ao longo do tempo compartido como voluntaria, recibín moito máis do que eu son capaz de aportar. Hoxe entendo o voluntariado como oportunidade de vivir experiencias únicas e aprender a “ver” dende o respecto e a dignidade. Só tecendo redes de colaboración medraremos en harmonía e, algún día, as andainas serán de corazón con corazón, no mesmo chanzo, aloumiñando soños.

Na Fundación JuanSoñador atopei grandes profesionais, sempre á escoita dos que precisan compartir a súa experiencia e loitar xuntos por transformar as realidades. Para min é unha sorte poder colaborar, tanto con apoio educativo ou cursos de animación á escritura na parte de infancia, como con persoas migrantes en Teranga. É o meu lugar para soñar cun mundo mellor.”

¡Muchísimas gracias, Mercedes! Por el poema, por tus palabras, por tu acompañamiento, tu tiempo y tu apoyo. ¡Qué privilegio contar con personas como tú, que aportáis tanto en los proyectos en los que colaboráis!

¡Gracias, gracias, gracias!

#Mira #Emociónate #Cuida #Transforma

*”Programa de Sensibilización do Voluntariado -Acompañando soños, transformando realidades” (en colaboración con Consellería de Política Social, Xunta de Galicia).

Download Nulled WordPress Themes[1]
Premium WordPress Themes Download[2]
Download Best WordPress Themes Free Download[3]
Download WordPress Themes[4]
free online course[5]
download samsung firmware[6]
Download Nulled WordPress Themes[7]
free download udemy paid course[8]
Endnotes:
  1. Download Nulled WordPress Themes: https://www.thewpclub.net
  2. Premium WordPress Themes Download: https://www.themeslide.com
  3. Download Best WordPress Themes Free Download: https://www.script-stack.com
  4. Download WordPress Themes: https://www.thememazing.com
  5. free online course: https://www.onlinefreecourse.net
  6. download samsung firmware: https://www.frendx.com/firmware/
  7. Download Nulled WordPress Themes: https://www.themebanks.com
  8. free download udemy paid course: https://downloadtutorials.net

Source URL: https://fundacionjuans.org/gl/2021/09/23/eu-voluntaria/