Na Rua en Vigo y A Coruña

Calidade da vida Infantil

Desenvólvese nas localidades da Coruña e Vigo dende xullo do 2009, a través dun contrato coa Consellería de Traballo e Benestar da Xunta de Galicia. Este programa está destinado a nenos e nenas en situación de risco e desvantaxe social, preferentemente adolescentes de 14 a 18 anos e as súas familias.

Descrición

Os nenos, nenas e adolescentes aos que vai dirixido o programa veñen derivados polos equipos técnicos de Menores da Xunta de Galicia. Presentan necesidades na área escolar (escasa motivación, falta de atención, falta de hábitos de estudo, atraso escolar e absentismo), a área persoal-social (baixa autoestima, problemas de conduta e hábitos de ocio pouco saudables) e a área familiar (problemas de comunicación, convivencia, escasos recursos económicos) que dificultan o seu desenvolvemento persoal e integración social.

O equipo educativo está formado por 7 educadores e educadoras contratados/as, amais doutras persoas voluntarias.

O programa estrutúrase en dous proxectos, diferenciados polo ámbito territorial no que se desenvolve:

• Proxecto “Na Rúa” A Coruña
• Proxecto “Na Rúa” Vigo

Cada proxecto dispón de 15 prazas.