Descrición
Este Programa desenvolvíase antes da Fundación con diversas actividades sociais. Concibimos a Cooperación ao Desenvolvemento como un compromiso cos máis necesitados, en países en vías de desenvolvemento, axudando a construír un mundo máis xusto e solidario.
Obxectivo
- Colaborar con recursos humanos e económicos en proxectos sociais, de modo especial educativos e inserción sociolaboral, de países en vías de desenvolvemento, á vez que sensibilizamos e denunciamos todo tipo de inxustiza social, e de modo máis especial con relación á infancia.
Actividades
- Colaboramos con 16 proxectos en países de América Latina e África. Son intervencións de cooperación realizadas por Entidades Autóctonas e en parte cofinanciadas pola Fundación JuanSoñador. Os países de África e América Latina son: Togo, Senegal, Costa de Marfil, Guinea–Conakry, Angola, Benín, Perú, Colombia, República Dominicana, Arxentina, Bolivia e Cuba.
- Cuba: nas cidades de La Habana, Camagüey, Santa Clara e Santiago organizouse o Proxecto «Canastas Básicas», axuda complementaria para familias necesitadas.
- Cuba: o proxecto “Verano educativo”, onde se aportan recursos humanos, materiais e económicos para desenvolver actividades culturais e sociais de promoción e formación aos mozos en distintas cidades. Un voluntario participa durante todo o verán.